ზუგდიდის საოლქო საარჩევნო კომისიაში საჩივრების განხილვა იწყება

ზუგდიდის #67 საოლქო საარჩევნო კომისიაში "ქართული ოცნების" საჩივრის განხილვა იწყება, რომლის თანახმადაც მმართველი პარტია მე-11 მაჟორიტარული ოლქის გადათვლას ითხოვს.

ამის პარალელურად, ზუგდიდის ყველა უბნის გადათვლას "ერთიანი ნაციონალური მოძრაობა" ითხოვს.

ენმ-ს ზუგდიდის ორგანიზაციის ხელმძღვანელის ანა წითლიძის განცხადებით, მე-11 მაჟორიტარულ ოლქში ისინი მმართველი გუნდის კანდიდატს 2 ხმით უგებენ.

წითლიძე დარწმუნებულია, რომ საოლქო კომისიის თავმჯდომარე მირანდა მესხი "ქართული ოცნების" საჩივარს დააკმაყოფილებს.

"დღეს საოლქო კომისია " ქართული ოცნების" საჩივარს განიხილავს, რომლის თანახმადაც მე-11 სამაჟორიტარო ოლქში ბათილი ბიულეტენის ხელახლა გადათვლას ითხოვენ. ეს არის ოლქი, სადაც ჩვენ ვართ გამარჯვებულები სამივე კომპონენტში. ჩვენსა და "ქართულ ოცნებას" შორის სხვაობა არის ორი ხმა. აღსანიშნავია, რომ "ქართული ოცნების" საჩივარს არ ახლავს არანაირი მტკიცებულება იმისი თუ რატომ უნდა გაიხსნას ეს უბნები. ჩვენ გვაქვს ინფორმაცია, რომ საოლქო გადაითვლის ამ ოლქს „ქართული ოცნების“ საჩივრის საფუძველზე, მაგრამ ჩვენ ასევე "ქართული ოცნების" საჩივრის პარალელურად შევიტანეთ ზუგდიდის ყველა უბანთან დაკავშირებით საჩივარი, სადაც ვითხოვთ ყველა უბნის გადათვლას. ასევე ვითხოვთ მე-4 მაჟორიტარულ ოლქის გადათვლას, რომელიც წაგებული გვაქვს ოთხი ხმით. ძალიან დიდი იმედი გვაქვს, რომ გაბათილებული ბიულეტენი იქნება ჩვენს სასარგებლოდ. ამიტომაც თუ დღეს საოლქო საარჩევნო კომისია, საერთაშორისო დამკვირვებლების თვალში დიდ გამოცდას გადის, თუ "ქართული ოცნების" საჩივრის საფუძველზე გადაითვლის უბნებს, მაშინ მას მოუწევს ჩვენი საჩივრის დაკმაყოფილებაც",- განაცხადა ანა წითლიძემ.

აღნიშნული საჩივრის განხილვა #67 საოლქო საარჩევნო კომისიაში 21:00 საათზე იწყება.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო