აჭარის პოლიციის წარმომადგენელი ბათუმში, კორპუსის ჩამონგრევის ადგილზე მიმდინარე სამუშაოებთან დაკავშირებით კომენტარს აკეთებს

ბათუმში, 26 მაისის ქუჩაზე, სადაც კორპუსის ნაწილი ჩამოინგრა, რეგიონებიდან სამაშველო სამსახურის დამატებითი ძალების მობილიზება ხდება.

როგორც ჟურნალისტებს აჭარის მთავარი სამმართველოს სახაზო-საპატრულო სამმართველოს უფროსმა ირაკლი ბასილაძემ განუცხადა, რამდენი ადამიანი დაშავდა შემთხვევის შედეგად, ჯერჯერობით ინფორმაციას არ ფლობენ და მიმდინარებს გამოძიება.

„ჩამონგრეულია კორპუსის ერთი მხარე, სადარბაზოს ერთი ნაწილი. ფაქტზე დაწყებულია გამოძიება, მიმდინარეობს აქტიური სამაშველო-სამძებრო მოქმედებები, რომელშიც ჩართული არიან, როგორც სამაშველო სამსახურის, ისე პოლიციის თანამშრომლები. ადგილზე იმყოფება სასწრაფო დახმარების ბრიგადა, საექსპერტო კრიმინალისტიკური სამსახური, მეზობელი რეგიონებიდან დამატებითი ძალების მობილიზება ხდება. მობილიზებულია სპეციალური ტექნიკა, მათ შორის, ავტოკიბე, რისი დახმარებითაც ხდება დაშავებულების აღმოჩენა ინტენსიური სამუშაოების მიმდინარეობის პროცესში და მათი ევაკუაცია უსაფრთხოდ. ამ დროისთვის, დაშავებულთა რაოდენობაზე ზუსტი ინფორმაცია არ გვაქვს, როგორც კი ამის საშუალება მოგვეცემა, დამატებით ინფორმაციას მოგაწვდით. მიმდინარეობს ინტენსიური საძიებო-სამაშველო სამუშაოები. მინდა მოქალაქეებს ძალიან ვთხოვო და მოვუწოდო, რომ დაიცვან უსაფრთხოების ზომები, დაემორჩილონ პოლიციის თანამშრომლებს, ვინაიდან უსაფრთხოების ზომებიდან გამომდინარე ტერიტორია შემოსაზღვრულია და მათი მხრიდან არ მოხდეს სამუშაოების მიმდინარეობისას ხელის შეშლა“, - აცხადებს ირაკლი ბასილაძე.

რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ქართული პრესის მიმოხილვა 21.10.2021
დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს