ბათუმის მერის მოადგილის განცხადებით, კორპუსზე, რომლის ნაწილი ცოტა ხნის წინ ჩამოინგრა, დაშენება ბოლო 5-6 წლის განმავლობაში არ განხორციელებულა

ბათუმის მერის მოადგილის ლელა სურმანიძის განცხადებით, კორპუსზე, რომლის ნაწილი ცოტა ხნის წინ ჩამოინგრა, დაშენება ბოლო 5-6 წლის განმავლობაში არ განხორციელებულა.

როგორც სურმანიძემ ჟურნალისტებს განუცხადა, აღნიშნულ კორპუსზე დაშენების ნებართვა ბოლო წლების განმავლობაში არ გაცემულა.

ასევე სურმანიძემ უპასუხა კითხვას იმის შესახებ, რომ გავრცელებული ინფორმაციით, კორპუსში, რომლის ნაწილიც ჩამოინგრა, „ქართული ოცნების“ დეპუტატი რესან კონცელიძე ცხოვრობს და „კორპუსზე დაშენების ნებართვა სწორედ მისი ხელშეწყობით გაიცა“.

ლელა სურმანიძის განცხადებით, რესან კონცელიძე დეპუტატი 2020 წელს გახდა, აღნიშნულ კორპუსზე დაშენება კი ბოლო წლების განმავლობაში არ განხორციელებულა.

„რესან კონცელიძე, რამდენადაც მახსოვს, 2020 წლიდანაა პარლამეტის წევრი და ის ორი სართული, რაზეც ამბობთ, რომ დაშენებულია, უკანასკნელი 5-6 წლის განმავლობაში არ დაშენებულა“,- განაცხადა სურმანიძემ.

რაც შეეხება დაშავებულებს, ბათუმის მერის მოადგილის განცხადებით, მათი რაოდენობის შესახებ ზუსტი ინფორმაცია არ აქვს.

„დაზუსტებული ინფორმაცია დაშავებულებზე არ გვაქვს. მომიჯნავე სადარბაზოდან ხალხის ევაკუაცია მოხდა, რადგან არსებობს საფრთხე“,- განაცხადა ლელა სურმანიძემ.

ცნობისთვის, ბათუმში, 26 მაისის ქუჩაზე საცხოვრებელი კორპუსის ერთი სადარბაზო მთლიანად ჩამოინგრა. ადგილზე მობილიზებულია სამაშველო და სასწრაფო დახმარების სამსახურები. მაშველებმა კორპუსის ჩამონგრევის ადგილიდან ორი ბავშვი გამოიყვანეს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა