დავით გაბაიძე - ბათუმში დაღუპულებს სრულიად საქართველო გლოვობს
აჭარის ავტონომიური რესპუბლიკის უმარლესი საბჭოს თავმჯდომარე დავით გაბაიძე ბათუმში მომხდარ ტრაგედიას ეხმაურება და აღნიშნავს, რომ ბათუმში დაღუპულებს სრულიად საქართველო გლოვობს.
მისივე თქმით, სახელმწიფო მზადაა დაეხმაროს დაზარალებულებს.
„ტრაგედია, რომელიც ბათუმში დატრიალდა, გასცდა ერთი ოჯახის, ერთი სადარბაზოს, ერთი კორპუსისა და ქალაქის ტკივილს. სრულიად საქართველო გლოვობს დაღუპულებს!
ღრმა მწუხარებას გამოვთქვამ და ვუსამძიმრებ ჩვენს ქალაქსა და ზოგადად, ქვეყანას, განსაკუთრებით კი დაღუპულთა ოჯახების წევრებს, ნათესავებს, ახლობლებს. 11 ოქტომბერი საქართველოში გლოვის დღედ გამოცხადდება. სახელმწიფო მზადაა დაეხმაროს დაზარალებულებს. სამძებრო- სამაშველო სამუშაოები ამჟამადაც გრძელდება, ისევე როგორც გამოძიება, რომელიც ამ დიდი უბედურების გამომწვევ მიზეზებს დაადგენს”, - აღნიშნავს დავით გაბაიძე.
v-if="article.gallery" v-html="article.gallery"
