ზუგდიდში, „ნაციონალური მოძრაობის“ მხარდამჭერები საოლქო საარჩევნო კომისიისკენ მსვლელობას მართავენ
ზუგდიდში, „ნაციონალური მოძრაობის“ წევრები და მხარდამჭერები მოსწავლე-ახალგაზრდობის სასახლის მიმდებარე ტერიტორიიდან #67 საოლქო საარჩევნო კომისიისკენ მსვლელობას მართავენ.
ისინი ზუგდიდის საოლქო საარჩევნო კომისიის თავმჯდომარის მირანდა მესხის გადადგომას მოითხოვენ.
ზუგდიდის საოლქო საარჩევნო კომისიაში მე-11 მაჟორიტარული ოლქის ბიულეტენების გადათვლის შემდეგ, ოლქში შედეგები შეიცვალა და გამარჯვებული "ქართული ოცნების" კანდიდატი სოსო გოგოხია გახდა.
ნიკა მელიას შეფასებით, „ქართული ოცნება“ ჩართულია „მძიმე გაყალბების პროცესში“, რადგან "ნაციონალური მოძრაობის“ გამარჯვებული კანდიდატი დამარცხებულად გამოაცხადეს.
აქციაზე იმყოფებიან ოპოზიციური პარტიების ლიდერები და ოპოზიციიდან ზუგდიდის მერობის კანდიდატი ანზორ მელია.
აქციას პარტიები „ლელო“ და „დროაც“ უერთდება.
