ბათუმში მამაკაცი მოკლეს, დაჭრილია მისი ძმაც

8 ოქტომბერს ბათუმში მკვლელობა მოხდა. არსებული ინფორმაციით, ცეცხლსასროლი იარაღიდან ძმებს ესროლეს. ერთ-ერთი მათგანი გარდაიცვალა, ხოლო მეორე დაიჭრა. დაჭრილი კლინიკაშია გადაყვანილი. არსებული ინფორმაციით, მისი მდგომარეობა მძიმეა.

შემთხვევა ფიროსმანის ქუჩაზე მოხდა. ძმებს ურთიერთშელაპარაკების ნიადაგზე ნასვამ მდგომარეობაში მყოფმა მეზობელმა ესროლა.

"ინციდენტში მონაწილე პირები პოლონეთში ერთად იყვნენ სამუშაოდ წასული. ახლახანს დაბრუნდნენ უცხოეთიდან. როგორც ჩვენ გავიგეთ, მეზობელმა ძმები მათივე სახლში ჩაცხრილა. კონფლიქტი, სავარაუდოდ, თანხას უკავშირდება",- აცხადებს "ინტერპრესნიუსთან" საუბრისას ერთ - ერთი მეზობელი.

გამოძიება მიმდინარეობს სსკ-ის 108- ე (განზრახ მკვლელობა) და 19-109-ე (დამამძიმებელ გარემოებაში ჩადენილი განზრახ მკვლელობის მცდელობა) მუხლებით.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს