პაატა მანჯგალაძე - თუ ქვეყნის მშვიდობიანი განვითარება გვინდა, გვჭირდება ჯანმრთელი და ჯანსაღი პრეზიდენტი - სააკაშვილის ჯანმრთელობას სერიოზულად უნდა მოვეკიდოთ

თუ აქციის შინაარსი არის ის, რომ ვითხოვთ სამართლიან არჩევნებს, იმას, რომ ადამიანები არ იდევნებოდნენ და ქვეყანაში იყოს სამართლიანი სასამართლო, ყველა ასეთი ტიპის აქციაზე, მე, როგორც საქართველოს მოქალაქე, მივალ, - ამის შესახებ „სტრატეგია აღმაშენებლის“ დეპუტატმა, პაატა მანჯგალაძემ განაცხადა, რითაც „ნაციონალური მოძრაობის“ მიერ 14 ოქტომბერს დაანონსებულ მიხეილ სააკაშვილის მხარდასაჭერ აქციას გამოეხმაურა.

როგორც მან აღნიშნა, მსგავსი მოთხოვნებით აქციები არ უნდა იყოს პარტიული და უნდა იყოს საერთო ეროვნული თანხმობის საგანი.

რაც შეეხება მიხეილ სააკაშვილის ჯანმრთელობის მდგომარეობას, მანჯგალაძის თქმით, ამ საკითხს სერიოზულად და ყურადღებით უნდა მოეკიდონ, რადგან ქვეყნის დემოკრატიულ განვითარებას ჯანმრთელი პრეზიდენტი სჭირდება.

„პრეზიდენტ სააკაშვილის ჯანმრთელობის მდგომარეობის საკითხს სერიოზულად უნდა მოვეკიდოთ, არ აქვს მნიშვნელობა პრეზიდენტია, მოქალაქე თუ უცხო ქვეყნის მოქალაქე. ეს საკითხი არ არის საღლიცინო. ჩვენ თუ გვინდა ქვეყნის მშვიდობიანი განვითარება, ჩვენ გვჭირდება ჯანმრთელი და ჯანსაღი პრეზიდენტი. მივესალმები და ვიბრძვი ისეთი ქვეყნისთვის, სადაც ისევე, როგორც აშშ-ში, 5 პრეზიდენტს შეუძლია ერთად გადაიღოს სურათი. ჩვენ სამწუხაროდ, საქართველოში ვერ დავამკვიდრეთ დემოკრატიის ის სტანდარტი, როცა ყოფილი ხელისუფლება დევნილი არ არის მომდევნო ხელისუფლებისგან. ეს არის ძალიან მნიშვნელოვანი და მე მინდა, რომ საქართველოში ხელისუფლებები ერთმანეთს არ ებრძოდნენ, არ იჭერდნენ, არ კლავდნენ.

როცა საკითხი ეხება ქვეყნის უსაფრთხოებას, სამართლიანი და თავისუფალი არჩევნების ჩატარებას, აქ უნდა წავშალოთ ყველანაირი პარტიული ნიშნები და ეს უნდა იყოს საერთო ეროვნული თანხმობის და კონსენსუსის საგანი. პარტიულობა მხოლოდ ხელს უშლის ამას და არ ეხმარება,“ - განაცხადა მანჯგალაძემ.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა