ვახტანგ გომელაურის განცხადებით, ბათუმში საცხოვრებელი კორპუსის ჩამონგრევის საქმეზე საჯარო მოხელის პასუხისმგებლობა ჯერ არ გამოკვეთილა

საქართველოს შინაგან საქმეთა მინისტრის, ვახტანგ გომელაურის განცხადებით, ბათუმში საცხოვრებელი კორპუსის ჩამონგრევისა და შედეგად, მოქალაქეების დაღუპვის საქმეზე მიმდინარე გამოძიების ფარგლებში, ამ დრომდე, საჯარო მოხელეების პასუხისმგებლობა ჯერ არ გამოკვეთილა.

როგორც მან ჟურნალისტებს განუცხადა, გამოძიება გრძელდება და და გაფართოვდება თუ არა ბრალდებულ პირთა წრე უცნობია.

„საჯარო მოხელის პასუხისმგებლობა ჯერ არ გამოკვეთილა. იცით, რომ სამი პიროვნება პასუხისგებაში მიეცა. ვინ იყო ჩართული და ვინ არა, ამაზე ვერ ვისაუბრებ, არის გამოძიება, გამოძიებას კურირებს გამომძიებელი და ზედამხედველი პროკურორი. მე ვერ ვისაუბრებ ვინ რა გააკეთა და ვინ რა ჩვენება მისცა. თავის მტკიცებულებებით, რაც წარუდგინეს სასამართლოს, მან ბრალდებულებს წინასწარი ორთვიანი პატიმრობა შეუფარდა. მუნიციპალური სამსახურის პასუხისმგებლობა თუ იკვეთება, ამაზე ვერ გეტყვით, ჯერ არ გამოკვეთილა. რომ გამოკვეთილიყო, წესით, მასაც მისცემდნენ პასუხისგებაში. გამოძიება გრძელდება და ამას ვინმე დაემატება თუ არ დაემატება ვერ გეტყვით, გამოძიებამ უნდა გვითხრას. ნამდვილად ძალიან ტრაგიკული ღამე იყო, ჯოჯოხეთური. პირველ რიგში, ოჯახისთვის, ოჯახის წევრებისთვის, ყველა ჩვენგანისთვის. ვცდილობდით, რომ ეს ადამიანები გადაგვერჩინა და მადლობა ყველას ვინც ამ ოჯახებს გვერდით დაუდგა. ვუსამძიმრებ კიდევ ერთხელ“, - განაცხადა გომელაურმა.

რაც შეეხება ნებართვების გამკაცრების საკითხს, როგორც შს მინისტრმა აღნიშნა, თუ ნებართვების გამკაცრების საკითხთან დაკავშირებით პრემიერმა თქვა, გამკაცრდება ნამდვილად.

„იქნება მეტი ყურადღება მისაქცევი. ძალიან ბევრი პრობლემაა თბილისშიც. როგორ უნდა გაუმკლავდეს, მე არ ვიცი, ურთულესი პრობლემაა“, - აღნიშნა მან.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა