რუსთავის N12 პენიტენციურ დაწესებულებასთან მიხეილ სააკაშვილის მხარდამჭერი აქცია გაიმართა
რუსთავის N12 პენიტენციურ დაწესებულებასთან, სადაც საქართველოს მესამე პრეზიდენტი მიხეილ სააკაშვილი იმყოფება, მხარდამჭერები მდუმარე აქციას მართავენ.
აქციის წევრებმა პატიმრობაში მყოფ ექსპრეზიდენტს, მიხეილ სააკაშვილს სოლიდარობა გამოუცხადეს და მისი გათავისუფლება მოითხოვეს.
"ეს არის სოლიდარობის აქცია. სოლიდარობას ვუცხადებთ მიხეილ სააკაშვილს, რომელიც იმყოფება პატიმრობაში. ვფიქრობ, რომ ეს არის ჩვენი სირცხვილი. ქვეყნის პრეზიდენტი, სიმბოლო, აღმშენებელი, ადამიანი, რომელმაც ახალ ქართულ სახელმწიფოს ჩაუყარა საფუძველი, არ შეიძლება იმყოფებოდეს პატიმრობაში. ეს უნდა დავასრულოთ. ტყუილად ჰგონია ივანიშვილს, რომ გავჩერდებით და პუტინის ტყვეობაში დავტოვებთ. მიშა იქნება თავისუფალი. ამის პირობას ვაძლევ მე ყველას", - განაცხადა აქციაზე კობა ხაბაზმა.
