ნატო-ს საპარლამენტო ასამბლეა - ვგმობთ რუსეთის მიერ საქართველოს ტერიტორიული მთლიანობის დარღვევას

ნატო-ს საპარლამენტო ასამბლეა გმობს რუსეთის მიერ საქართველოს, უკრაინისა და მოლდოვას რესპუბლიკის ტერიტორიული მთლიანობის დარღვევას და ამ ქვეყნების დესტაბილიზაციისკენ მიმართულ უწყვეტ მცდელობას, - ამის შესახებ ნატო-ს საპარლამენტო ასამბლეის მიერ მომზადებულ რეზოლუციაშია აღნიშნული.

„ასამბლეა გმობს რუსეთის მიერ საქართველოს, უკრაინისა და მოლდოვას რესპუბლიკის ტერიტორიული მთლიანობის დარღვევას, რუსეთის უწყვეტ მცდელობას, გამოიწვიოს ამ ქვეყნების დესტაბილიზაცია, ჩაშალოს მათი ევროპული და/ან ევროატლანტიკური ინტეგრაცია და ხელი შეუწყოს უგუნურ და უპასუხისმგებლო ესკალაციებს,“- აღნიშნულია რეზოლუციაში.

ნატო-ს საპარლამენტო ასამბლეა ხაზს უსვამს ევროკავშირის შუამავლობით მიღწეული ცეცხლის შეწყვეტის შეთანხმების რუსეთის მიერ განხორციელების აუცილებლობას.

„გამოხატავს შეშფოთებას აფხაზეთისა და ცხინვალის რეგიონის/სამხრეთ ოსეთის ოკუპირებულ ტერიტორიებზე ქართველთა მიმართ ადამიანის უფლებების მძიმე დარღვევებისა და ეთნიკური დისკრიმინაციის გამო, ხაზს უსვამს ევროკავშირის შუამავლობით მიღებული ცეცხლის შეწყვეტის შეთანხმების რუსეთის ფედერაციის მიერ განხორციელების აუცილებლობას და იძულებით გადაადგილებულ პირების უფლებას, დაბრუნდნენ თავიანთ სახლებში,“ - აღნიშნულია დოკუმენტში.

რეზოლუცია მოუწოდებს ჩრდილოატლანტიკური ალიანსის წევრი ქვეყნების მთავრობებსა და პარლამენტებს, საქართველოსა და უკრაინის ევროატლანტიკური ინტეგრაციის პროცესის მხარდაჭერა გააძლიერონ.

„მოვუწოდებთ, გააძლიერონ ევროატლანტიკური ინტეგრაციის პროცესის დაჩქარებისკენ მიმართული საქართველოსა და უკრაინის ძალისხმევის მიმართ მხარდაჭერა, გამოხატონ სოლიდარობა საქართველოსა და უკრაინას მიმართ ერთობლივი წვრთნების გაზრდითა და მათი თავდაცვისუნარიანობის გაზრდის პრაქტიკული მხარდაჭერით და გააგრძელონ რუსეთის მიერ უკრაინის, საქართველოს და მოლდოვას რესპუბლიკის ნაწილების დროებითი ოკუპაციისა და უკანონო ანექსიის დაგმობა,“- აღნიშნულია დოკუმენტში.

რეზოლუცია ნატო-ს საპარლამენტო ასამბლეაზე პოლიტიკურმა კომიტეტმა წარადგინა და პლენარულმა ასამბლეამ დაამტკიცა.

იხილეთ ვიდეო: ნატო-ს საპარლამენტო ასამბლეა გმობს რუსეთის მიერ საქართველოს, უკრაინისა და მოლდოვას რესპუბლიკის ტერიტორიული მთლიანობის დარღვევას

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო