„ევროპულმა საქართველომ“ ქუთაისში აქცია - პერფორმანსი გამართა. პარტიის ლიდერებმა ქუჩაში ბიძინა ივანიშვილის გამოსახულებიან პოსტერები გააკრეს. „აღარ მოეკიდო გაგებით"-ამ წარწერებით პარტიის წევრები მხარდამჭერებს მეორე ტურში მონაწილეობისკენ მოუწოდებენ.

მათი თქმით, თუ დიდ ქალაქებში ოპოზიცია მოიგებს, ეს იქნება საყრდენი, რომელიც მისცემთ შესაძლებლობას მშვიდობიანი ცვლილებების.

„ჩვენს მხარდამჭერებს მოვუწოდებთ, რომ მივიდნენ მეორე ტურში, რადგან ივანიშვილის რეჟიმის წინააღმდეგ ხმის მიცემა არის მათი ფუნდამენტური ინტერესი. ნებისმიერ დიდ ქალაქში მარცხი ივანიშვილის რეჟიმის არის საყრდენი იმისა, რომ მშვიდობიანი გზით გავაცილებთ ხელისუფლებიდან. ყველას უნდა შევახსენოთ, რომ ნებისმიერ მოქალაქეს უნდა ჰქონდეს შანსი თვითონ განსაზღვრავდეს თავის მომავალს. ამიტომ მეორე ტურში გასულისთვის ხმის მიცემა არის საკუთარი მომავლისთვის ხმის მიცემა“, - აცხადებს „ევროპული საქართველოს“ თავმჯდომარე გიგა ბოკერია.