ტყიბულის წყალმომარაგების სისტემის მშენებლობას 8 მილიონი მოხმარდება, საპროექტო სამუშაოები დაწყებულია

ტყიბულში, წყალმომარაგების სისტემის რეაბილიტაციისთვის საჭირო საპროექტო სამუშაოები მიმდინარეობს, რის დასრულების შემდეგაც ახალი სისტემების მშენებლობა დაიწყება. ამის შესახებ საქართველოს რეგიონული განვითარებისა და ინფრასტრუქტურის სამინისტროს ინფორმაციაშია ნათქვამი.

მათივე ცნობით, პროექტისთვის, სახელმწიფო ბიუჯეტიდან 8 მილიონ ლარამდე გამოიყო.

„საქართველოს რეგიონული განვითარებისა და ინფრასტრუქტურის სამინისტროს, წყალმომარაგების კომპანია, რეგიონებში მოსახლეობის წყალმომარაგებისთვის დაგეგმილი პროექტების განხორციელებას განაგრძობს.

ამჯერად ქალაქ ტყიბულში, წყალმომარაგების სისტემის რეაბილიტაციისთვის საჭირო საპროექტო სამუშაოები მიმდინარეობს, რის დასრულების შემდეგაც დაიწყება ახალი სისტემების მშენებლობა.

პროექტისთვის, სახელმწიფო ბიუჯეტიდან 8 მილიონ ლარამდე გამოიყო.

ტყიბულში მოსახლეობისთვის წყლის მიწოდება შაორის წყალსაცავიდან ხორციელდება, საიდანაც მარაგდება ქალაქის დაახლოებით 70%.

ქალაქში არსებული სათავე ნაგებობა აშენებულია 1958 წელს და რეაბილიტაციას საჭიროებს. უამინდობის დროს სათავზე წყალი იმღვრევა, რის გამოც მოსახლეობას წყალი შეზღუდული გრაფიკით მიეწოდება.

აღნიშნული პროექტის ფარგლებში დაგეგმილია არსებული და ახალი რეზერვუარების, სატუმბო სადგურების რეაბილიტაცია- მშენებლობა, გარდა ამისა მოეწყობა მაგისტრალური მილი და წყალმომარაგების სრულიად ახალი ქსელი.

შედეგად, ტყიბულის მოსახლეობა 24 საათიანი წყალმომარაგებით იქნება უზრუნველყოფილი“ , - ნათქვამია ინფორმაციაში.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს