მაჟორიტარი დეპუტატის ბიურო - რაჭაში რთველის პროცესი აქტიურ ფაზაშია

რაჭაში რთველის პროცესი აქტიურ ფაზაშია, - ინფორმაციას რაჭა-ლეჩხუმ-სვანეთის მაჟორიტარი დეპუტატის პრესსამსახური ავრცელებს.

მათი ინფორმაციით, ყურძნის მიმღებ ერთ-ერთ პუნქტზე არსებულ ვითარებას ადგილზე რაჭა-ლეჩხუმ-სვანეთის მაჟორიტარი დეპუტატი, გოჩა ენუქიძე გაეცნო.

დეპუტატის ინფორმაციით, შტაბში, ამ ეტაპზე, 30-მდე კომპანიაა დარეგისტრირებული, რომლებიც რაჭა-ლეჩხუმის რეგიონში რთველის პროცესში ერთვებიან.

„ყურძნის მიმღები პუნქტები 17 ლოკაციაზეა გახსნილი, რაც გლეხებს მოსავლის დროულად რეალიზების შესაძლებლობას აძლევს.

რაჭა-ლეჩხუმის რეგიონში მოწეული ყურძნის ჩაბარება ღვინის ეროვნული სააგენტოს მიერ გაცემული მევენახეობის კადასტრის ამონაწერის საფუძველზე ხორციელდება. ამ ეტაპზე, ამბროლაურის მუნიციპალიტეტში საკადასტრო ამონაწერი 1700-მდე მევენახეს აქვს აღებული.12 ოქტომბრის მონაცემებით, რაჭის რეგიონში 1000 ტონამდე ყურძენი უკვე დაბინავებულია და რთველის პროცესი უახლოეს დღეებშიც შეუფერხებლად გაგრძელდება",-განაცხადა გოჩა ენუქიძემ.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა