საქართველოს ყოფილი პრეზიდენტის მიხეილ სააკაშვილის გათავისუფლების მოთხოვნით, ბათუმში მოქალაქეები ხელმოწერებს აგროვებენ.

როგორც შეკრებილები აცხადებენ, მიხელ სააკაშვილის მმართველობის პერიოდში ძველ ბათუმს რეკონსტრუქცია ჩაუტარდა და ახალი ბათუმი აშენდა. მათი თქმით, აჭარა მიხეილ სააკაშვილის წინაშე ვალშია.

"თავისუფლება მიშას“- სწორედ ამიტომ შევიკრიბეთ და ხელმოწერის პროცესი მიმდინარეობს, ერთობლივი მიმართვა გვაქვს შემუშავებული. უარი ვუთხრათ ავტორიტარულ რეჟიმს, რომელიც საქართველოში გამეფებულია. განსაკუთრებით ჩვენი კუთხე მიხეილ სააკაშვილის მიმართ ვალშია, რომელმაც ძველ ბათუმს რეკონსტრუქცია ჩაუტარა და ახალი ბათუმი ააშენა. ამ ყველაფრის ავტორი უკანონო პატიმრობაშია, ჩვენ მოვითხოვთ მის დაუყოვნებლივ გათავისუფლებას. მიეცეს თავისუფლად პოლიტიკაში მონაწილეობის უფლება, ის დღევანდელ რეჟიმს აპროტესტებს",- აცხადებს პროფესორი ოთარ ცეცხლაძე.