ბათუმის მერია ველოსისტემის გენერალური გეგმის შემუშავებაზე მუშაობას ასრულებს

ბათუმის მერია ველოსისტემის გენერალური გეგმის შემუშავებაზე მუშაობას ასრულებს. როგორც „ინტერპრესნიუსს“ ბათუმის მერიიდან აცნობეს, გენერალურ გეგმაში გათვალისწინებულია პოტენციური ველომომხმარებლებისა და დაინტერესებული მხარეების საჭიროებები, ასევე ასახულია ინფრასტრუქტურისა და დიზაინის შემუშავებასთან დაკავშირებული რეკომენდაციები. გეგმის მიზანია ქალაქში ველოსიპედით გადაადგილების პირობების გაუმჯობესება.

„გამართულ სამუშაო შეხვედრაზე დოკუმენტის პირველადი მონახაზი განიხილეს, რომელშიც პროექტის საერთაშორისო პარტნიორები, ადგილობრივი და საერთაშორისო ექსპერტები მონაწილეობდნენ. ველოსისტემის გენერალური გეგმის დოკუმენტი მნიშვნელოვანია მომხმარებელთა სერვისების გასაუმჯობესებლად და მწვანე სატრანსპორტო სისტემების მოდერნიზებისთვის.

ველოსიპედით გადაადგილების გენერალური გეგმის შემუშავება ხორციელდება ,,მდგრადი ურბანული მობილობა სამხრეთ კავკასიაში” (Mobility4Cities) - რეგიონულ პროგრამასთან თანამშრომლობით, რომელიც დაფინანსებულია გერმანიის ეკონომიკური თანამშრომლობისა და განვითარების ფედერალური სამინისტროს (BMZ) მიერ”,- აღნიშნულია გავრცელებულ ინფორმაციაში.

მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
ქართული პრესის მიმოხილვა 21.10.2021
რამაზ საყვარელიძე - თუ მრავალპარტიულობა ხელოვნურია, საარჩევნო დონეზე შესაძლოა მას ჰქონდეს შედეგი, მაგრამ რეალური მრავალპარტიულობა მაინც არ გვექნება და გადაწყვეტილებების მიმღები ერთი პარტია იქნება
ფესტივალი „მუსიკა შენს ფანჯრებთან“ ერთი დღით „თბილისი მარიოტის" ღია ეზოში ბრუნდება
ჯანდაცვის ასი ექსპერტი WHO-ს მიმართავს
„სინერჯი” „აიტექნიკსის“ პარტნიორი-მეწილე გახდა
"ტერაბანკი" ბიზნესს მრავალფეროვან სატარიფო პაკეტებს სთავაზობს
კოლიერსის საოფისე სერვისების პოსტპანდემიური ტრანსფორმაცია
ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო