უცხოელი სტუდენტები მსოფლიოს 21 უნივერსიტეტიდან თსუ-ში ისწავლიან

თსუ-ში მიმდინარე წლის შემოდგომის სემესტრში გაცვლითი პროგრამების 38 უცხოელი სტუდენტი ისწავლის. ამის შესახებ ინფორმაციას თსუ ავრცელებს.

მათივე ცნობით, უცხოელ სტუდენტთა მისასალმებელ ღონისძიებას თსუ რექტორი გიორგი შარვაშიძე, საქართველოში აკრედიტებული დიპლომატიური კორპუსის, აკადემიური წრეების წარმომადგენლები და გაცვლითი პროგრამების სტუდენტები ესწრებოდნენ. COVID 19-ის პანდემიის მიუხედავად, თბილისის სახელმწიფო უნივერსიტეტში სტუდენტები მსოფლიოს 21 სხვადასხვა უნივერსიტეტიდან (12 ქვეყნიდან) ჩამოვიდნენ. ამასთან, თსუ 6 უცხოელ ლექტორს გრძელვადიანი კონტრაქტით მასპინძლობს.

„დღეს განსაკუთრებული დღე გვაქვს, თბილისის სახელმწიფო უნივერსიტეტში გაცვლითი პროგრამით უცხოელი სტუდენტები ჩამოვიდნენ. მიუხედავად დისტანციური სწავლებისა, ისინი საქართველოში არიან და სულ მალე დაეწყებათ სასწავლო პროცესი. მათ რიცხვს მეორე სემესტრში სხვა სტუდენტებიც შეუერთდებიან“, - აღნიშნა თსუ-ს რექტორმა გიორგი შარვაშიძემ.

ღონისძიებას ესწრებოდა ლიეტუვის რესპუბლიკის საგანგებო და სრულუფლებიანი ელჩი საქართველოში ანდრიუს კალინდრა.

„მრავალმა სტუდენტმა გამოიყენა შესაძლებლობა, რომ ორ უნივერსიტეტში მაგნუსისა და ვილნიუსის უნივერსიტეტებში ესწავლათ ქართული ენა. 15-20 წლის შემდეგ, ეს სტუდენტები გახდებიან ლიდერები და მნიშვნელოვანი ადამიანები ქვეყნის მომავლისთვის. ამდენად, განათლებაში ჩადებული ინვესტიციები არის ძალიან მნიშვნელოვანი, როგორც ქვეყნისთვის, ისე ლიეტუვასა და საქართველოს შორის ურთიერთობისთვისაც“, - აღნიშნა ანდრიუს კალინდრამ.

საერთაშორისო სტუდენტთა რაოდენობა, რომლებიც თსუ-ში როგორც უცხოენოვან, ასევე ქართულენოვან პროგრამებზე სწავლობენ, ყოველწლიურად იზრდება. ვილნიუსის უნივერსიტეტის პოლიტიკის მეცნიერების პროგრამის სტუდენტი, ბეატრიქს ნარბუტე ერთ-ერთია უცხოელ სტუდენტებს შორის, რომელმაც თბილისის სახელმწიფო უნივერსიტეტზე შეაჩერა არჩევანი.

„ძალიან მიხარია, რომ ამ უნივერსიტეტს ვეწვიე. ჩემს უნივერსიტეტში გავიგე, რომ თსუ სთავაზობს საინტერესო კურსებს უცხოელ სტუდენტებს, გავეცანი შესაბამის სასწავლო პროგრამებს. ვფიქრობ, რომ აქ საუკეთესო შესაძლებლობა მაქვს გავიგო საქართველოსა და ქართული კულტურის შესახებ,“ - აღნიშნა ბეატრიქს ნარბუტემ.

„ივანე ჯავახიშვილის სახელობის თბილისის სახელმწიფო უნივერსიტეტს 300-ზე მეტი პარტნიორი უნივერსიტეტი და კვლევითი ცენტრი ჰყავს 56 ქვეყანაში, თანამშრომლობს 140-ზე მეტ ევროპულ უნივერსიტეტთან საერთაშორისო კრედიტ მობილობის პროგრამის „ერასმუს+“-სა და ორმხრივი თანამშრომლობის მიზნით გაფორმებული ხელშეკრულებების საფუძველზე მოქმედი გაცვლითი პროგრამების ფარგლებში, რის შედეგადაც, 2015-2020 წლებში თსუ-ს სტუდენტების, ისევე როგორც აკადემიური და ადმინისტრაციული პერსონალის საერთაშორისო მობილობის რიცხვმა 2400-ს გადააჭარბა.

2015-2020 წლებში თსუ-ში განხორციელდა ევროკავშირის მიერ დაფინანსებული საერთაშორისო კრედიტ მობილობის 360-ზე მეტი პროექტი; 1995-2020 წლებში თსუ-მ კოორდინაცია გაუწია და მონაწილეობა მიიღო ინსტიტუციური განვითარების 50-მდე პროექტში, ერაზმუს მუნდუსის 7 კონსორციუმში, ერასმუსის ერთობლივ სამაგისტრო 3 და ჟან-მონეს 2 პროექტში. გარდა ევროპულისა, თსუ-ს სტუდენტებს აქვთ შესაძლებლობა გაცვლითი პროგრამით ისწავლონ ასევე 10 აზიური ქვეყნის 26 უნივერსიტეტში“,- ნათქვამია იფორმაციაში.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა