მიხეილ სააკაშვილის მხარდასაჭერ აქციაზე ზუგდიდიდან თბილისისკენ კოლონა მიემართება
საქართველოს მესამე პრეზიდენტის მიხეილ სააკაშვილის მხარდასაჭერ აქციაზე ზუგდიდიდან კოლონა დაიძრა.
როგორც ენმ-ს ადგილობრივი ორგანიზაციის ხელმძღვანელი ანა წითლიძე აცხადებს, „ვარდების რევოლუციის“ შემდეგ აქციაზე მონაწილეობის მსურველთა რაოდენობა ზუგდიდიდან და სამეგრელოდან ამდენი არსოდეს ყოფილა.
ანა წითლიძე თქმით, დღეს თავისუფლების მოედანზე მსოფლიოს აჩვენებენ, რომ თავმოყვარე ერია და არ დაუშვებენ მესამე ქვეყნის პრეზიდენტის ოლიგარქის ტყვეობაში ყოფნას.
„ადამიანები მოდიან საკუთარი ხარჯებით, მოდიან ოჯახებით და რაც მთავარია თითოეულ მათგანს ძალიან კარგად ესმის, რომ მიხეილ სააკაშვილის თავისუფლებაზე გადის საქართველის თავისუფლებაც, ევროპული მომავალი, უკეთესობისკენ ცვლილებებიც და რაც მთავარია დღეს თავისუფლების მოედანზე ჩვენ კიდევ ერთხელ ვაჩვენებთ მთელ მსოფლიოს, რომ ჩვენ ვართ ამაყი ერი და არ დავუშვებთ, რომ საქართველოს მესამე პრეზიდენტი იყოს ოლიგარქის ტყვეობაში",- განაცხადა ანა წითლიძემ.
