თბილისში, თავისუფლების მოედანზე დაგეგმილ საქართველოს მესამე პრეზიდენტის მხრადასაჭერ აქციაზე ფოთიდანაც გაემგზავრნენ.
„,ერთიანი ნაციონალური მოძრაობის“ ფოთის საქალაქო ორგანიზააციის თავმჯდომარის დარეჯან ცხვიტარიას განცხადებით, მიუხედავად ზეწოლისა, ხალხი მაინც შეიკრიბა. მისივე თქმით, მათი მიზანი მესამე პრეზიდენტის დაცვა და თავისუფლების მოპოვებაა.
„თითქმის 500 ადამიანი მივდივართ თავისუფლების მოედანზე, თავისუფლების მოსაპოვებლად, მიშა სააკაშვილის მხარდასაჭერად, ჩვენი შვილების მომავლისთვის. მიუხედავად ზეწოლისა, საფინანსო პოლიციაში დაბარებისა და ყველანაირი მცდელობისა, რომ ხალხი არ შეკრებილიყო, მაინც მოვიდნენ მომავლის, ჩვენი პრეზიდენტის დასაცავად. იმისთვის მივდივართ, რომ ცვლილება მოხდეს. ეს ხელისუფლება უნდა გავუშვათ მოუსავლეთში, სხვა გამოსავალს ვერ ვხედავთ“ - განაცხადა დარეჯან ცხვიტარიამ.