ნიჩბისსა და წეროვანში ვაქცინაციის პუნქტები გაიხსნა

მცხეთის მუნიციპალიტეტს 2 ამცრელი დაწესებულება დაემატა. მოსახლეობა ვაქცინაციის ჩატარებას სოფელ ნიჩბისისა და სოფელ წეროვნის ამბულატორიებშიც შეძლებს.

მცხეთა-მთიანეთის მხარის სახელმწიფო რწმუნებულის ადმინისტრაციის ინფორმაციით, ადგილზე უსაფრთხო იმუნიზაციისთვის ყველა პირობაა შექმნილი. სამედიცინო პერსონალი უზრუნველყოფილია ანტიშოკური და ანტიალერგიული პრეპარატებით, ყველა მათგანს წინასწარ აქვს გავლილი შესაბამისი ტრენინგები.

მათივე ცნობით, ნიჩბისისა და წეროვნის ამბულატორიებში არსებულ ვითარებას მცხეთა-მთიანეთის სახელმწიფო რწმუნებული დავით ნოზაძე, მოადგილე გოჩა ქავთარაძესთან, მცხეთის მუნიციპალიტეტის მერ გიორგი კაპანაძესთან და „მცხეთის მუნიციპალიტეტის საზოგადოებრივი ჯანდაცვის ცენტრის“ ხელმძღვანელ, რეგიონის კოორდინატორ ბადრი კუკულაძესთან ერთად გაეცნო.

როგორც რწმუნებული დავით ნოზაძემ აღნიშნა, მნიშვნელოვანია მოსახლეობა მე-5 ტალღას მომზადებული შეხვდეს.

„მცხეთა-მთიანეთის რეგიონში აქტიურად ვაგრძელებთ სოფლის ამცრელი პუნქტების დამატებას. ამ ეტაპზე ასეთი 20 ამბულატორია გვაქვს, სადაც იმუნიზაცია ჩინური წარმოების ვაქცინებით „სინოფარმითა“ და „სინოვაკით“ მიმდინარეობს.

მსურს, მოსახლეობას იმუნიზაციის პროცესში მაქსიმალური ჩართულობისკენ კიდევ ერთხელ მოვუწოდო, რადგანაც კორონავირუსის მე-5 ტალღას ველოდებით. მნიშვნელოვანია, მას ჩვენი მოსახლეობა მომზადებული შეხვდეს, მით უმეტეს, მაშინ, როდესაც ვაქცინაციის ჩასატარებლად მარტივად ხელმისაწვდომი და უსაფრთხო გარემოა შექმნილი", - განაცხადა დავით ნოზაძემ.

ცნობისათვის, კორონავირუსის საწინააღმდეგო აცრის გაკეთება მცხეთის მუნიციპალიტეტის მოსახლეობას ამ ეტაპზე 9 სოფელში შეუძლია. კერძოდ, იმუნიზაციის პროცესი ძეგვის, წილკნის, საგურამოს, ქსოვრისის, მუხრანის, ძველი ქანდის, გალავნის, ნიჩბისისა და წეროვნის ამბულატორიებში მიმდინარეობს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს