მთავრობის ადმინისტრაციასთან მიხეილ სააკაშვილის გათავისუფლების მოთხოვნით აქცია მიმდინარეობს

მთავრობის ადმინისტრაციასთან საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით აქცია მიმდინარეობს.

ადგილზე სამართალდამცავები არიან მობილიზებულები.

მოძრაობა “საქართველოსთვის” ერთ-ერთი წევრის, ლაშა ხუსკივაძის განცხადებით, აქციები ყოველდღიურ რეჟიმში იქნება.

„დღეს სახელმწიფო კანცელარიასთან მოვედით, რათა შევახსენოთ მათ, რომ მიხეილ სააკაშვილი უკანონოდ არის დატყვევებული. ის იმიტომ არის ციხეში, რომ ასე სურს რუსეთს, ეს სურს პუტინს და სურს კრემლს. არავითარ შემთხვევაში არ ვაპირებთ მიხეილ სააკაშვილის ტყვეობასთან შეგუებას. შევუქმნით ხელისუფლებას დისკომფორტს და ყველგან გავაგონებთ ხმას, რომ რაც შეიძლება მალე გაათავისუფლონ მიხეილ სააკაშვილი და დასრულდეს ეს უკანონო პატიმრობა. ჩვენ გავაგრძელებთ ბრძოლას იმისთვის, რომ ამ ქვეყანაში დასრულდეს შუღლი, ბოროტება, განხეთქილება და დავიწყოთ ნორმალური ცხოვრება.

ყოველდღიურად გვექნება აქციები სხვადასხვა ქალაქში, რაიონებში. ყველგან მივალთ, ყველას დაველაპარაკებით და ვეტყვით, რომ მიხეილ სააკაშვილი არის პოლიტიკური დევნილი, ის არის პოლიტიკური ტყვე და უნდა გათავისუფლდეს”, - განაცხადა ხუსკივაძემ.

ცნობისთვის, მიხეილ სააკაშვილი სამართალდამცველებმა 1-ელ ოქტომბერს თბილისში, გურამიშვილის გამზირზე დააკავეს. მას სხვა საქმეებთან ერთად ბრალი საზღვრის უკანონო კვეთაშიც ედება.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი