ლენტეხის მერიის ინფრასტრუქტურის სამსახურის ხელმძღვანელმა ლევან ლიპარტელიანმა ხელედის თემში ინფრასტრუქტურული სამუშაოები დაათვალიერა

ლენტეხის მერიის ინფრასტრუქტურის სამსახურის ხელმძღვანელმა ლევან ლიპარტელიანმა ხელედის თემში ინფრასტრუქტურული სამუშაოები დაათვალიერა.
როგორც „ინტერპრესნიუსს“ ლენტეხის მერიიდან აცნობეს, სოფელ ბავარსა და ადგილ ლექართაში წყალსადენის მოწყობა-რეაბილიტაცია მიმდინარეობს.
„პროექტის ფარგლებში დაგეგმილია ბეტონის წყალშემკრები რეზერვუარი და ცენტრალური მაგისტრალის მილების გაყვანა.
სამუშაოები ხორციელდება რეგიონებში განსახორციელებელი პროექტების ფონდიდან, რომლის სახელშეკრულებლო ღირებულებაა 97,499 ლარი. შემსრულებელია კონტრაქტორი ფირმა შპს ,,ვიქტორია+’’.
სარეაბილიტაციო სამუშაოები მიმდინარე წლის 2 ნოემბერს დასრულდება.
აღნიშნული პროექტის დასრულების შემდეგ კი 22 ოჯახი შეუფერხებლად ისარგებლებს სასმელი წყლით“, - აღნიშნულია გავრცელებულ ინფორმაციაში.
























