„ნაციონალური მოძრაობის“ ხელისუფლებაში ყოფნის დროს ზუგდიდში თარეშობდნენ სწორედ ის კრიმინალები, რომლებიც დღესაც ცდილობენ ხელისუფლებაში დაბრუნებას - მათი სახელი არის კოლექტიური უბირიები. იცით ხომ ეს ვინაა?! - კაცი რომელიც აუპატიურებდა უდანაშაულო ადამიანებს და აწამებდა ადამიანებს , - ამის შესახებ ჟურნალისტებს საქართველოს პრემიერ-მინისტრმა ირაკლი ღარიბაშვილმა ზუგდიდში განუცხადა.
მისივე თქმით, ზუგდიდმა ძალიან კარგად იცის სიმართლის ფასი, ტყუილის ფასი, თეთრის და შავის გარჩევა.
„ძალიან კარგად გვახსოვს, თუ როგორ იქცეოდა წინა ხელისუფლება მჩაგვრელი, მოძალადე, მკვლელებისა და სადისტების ხელისუფლება ამ ქალაქში. მე შევახსენებ ყველა ზუგდიდელს, რომ სწორედ „ნაციონალური მოძრაობის“ ხელისუფლებაში ყოფნის დროს, სააკაშვილის დროს ამ ქალაქში თარეშობდნენ სწორედ ის კრიმინალები, რომლებიც დღესაც ცდილობენ ხელისუფლებაში დაბრუნებას. კარგად გახსოვთ, იგივე ე.წ. „კასრების საქმე“ და ვინ არის ამ კასრების საქმის შემოქმედი. მათი სახელი არის კოლექტიური უბირიები. იცით ხომ ეს ვინაა?! - კაცი რომელიც აუპატიურებდა უდანაშაულო ადამიანებს და აწამებდა ადამიანებს. ეს ძალა და ეს ხელისუფლებაა „ნაციონალური მოძრაობა“ და სააკაშვილის პარტია. მე მინდა მოსახლეობას ვუთხრა, რომ ჩვენი ხელისუფლება არავის მისცემს პროვოკაციის მოწყობის უფლებას და საშუალებას. ერთადერთი მიზანი და მიზეზი რის გამოც სააკაშვილი ჩამოვიდა, ქვეყანაში არეულობის მოწყობა იყო, რომელიც არ გამოუვიდათ და მინიმუმ, 6 წელი იქნება ციხეში. რა თქმა უნდა, ჩვენ არავის ციხეში ყოფნა არ გვიხარია და ეს არ არის არავის თვითმიზანი, მაგრამ ყველამ უნდა იცოდეს, რომ ამ ქვეყანაში კანონზე მაღლა არავინ დგას, იმის მიუხედავად ვის, რა თანამდებობა აქვს და ჰქონდა“, - განაცხადა პრემიერ-მინისტრმა.