დავით ზალკალიანი საქართველოში ვიზიტით მყოფ წითელი ჯვრის საერთაშორისო კომიტეტის  ვიცე-პრეზიდენტს შეხვდა

საქართველოს ვიცე-პრემიერი და საგარეო საქმეთა მინისტრი, დავით ზალკალიანი საქართველოში ვიზიტით მყოფ წითელი ჯვრის საერთაშორისო კომიტეტის (ICRC) ვიცე-პრეზიდენტს, ჟილ კარბონიეს შეხვდა.

საგარეო საქმეთა სამინისტროს ცნობით, შეხვედრაზე განიხილეს ICRC-ისა და საქართველოს შორის თანამშრომლობისა და ქვეყანაში ICRC-ის საქმიანობასთან დაკავშირებული საკითხები.

მათივე ცნობით, დავით ზალკალიანმა ICRC-ის წარმომადგენლებს მადლობა გადაუხადა საქართველოში, მათ შორის, რუსეთის მიერ ოკუპირებულ საქართველოს აფხაზეთისა და ცხინვალის რეგიონებში განხორციელებული საქმიანობისთვის და განსაკუთრებით აღნიშნა კონფლიქტის შედეგად დაზარებული მოსახლეობის ჰუმანიტარული დახმარების კუთხით გაწეული ძალისხმევა.

„მინისტრმა წითელი ჯვრის საერთაშორისო კომიტეტის წარმომადგენლებს ინფორმაცია მიაწოდა რუსეთის მიერ ოკუპირებულ საქართველოს რეგიონებში არსებულ მძიმე ჰუმანიტარულ ვითარებაზე. ხაზი გაუსვა, ადამიანის ფუნდამენტური უფლებების დარღვევის ფაქტებს, მათ შორის, თვითნებური დაკავებების, თავისუფალი გადაადგილების შეზღუდვის, სამედიცინო ევაკუაციაზე უარის თქმის შემთხვევებს. ვიცე-პრემიერმა ყურადღება გაამახვილა უკანონოდ დაკავებული ირაკლი ბებუას საკითხის ჰუმანიტარული მიდგომის საფუძველზე გადაჭრის აუცილებლობაზე. დავით ზალკალიანმა ისაუბრა ასევე საქართველოს მთავრობის სამშვიდობო პოლიტიკასა და საგარეო საქმეთა სამინისტროს ხელმძღვანელობით მოქმედი სამთავრობო კომისიის მუშაობაზე „დეოკუპაციისა და კონფლიქტის მშვიდობიანი მოგვარების სახელმწიფო სტრატეგიის" შემუშავებისა და განხორციელების კუთხით.

შეხვედრაზე განხილულ იქნა 1990-იან წლებში საქართველოს აფხაზეთისა და ცხინვალის რეგიონებში შეიარაღებული დაპირისპირებისა და 2008 წლის აგვისტოს რუსეთ-საქართველოს ომის დროს უგზო-უკვლოდ დაკარგულ პირთა მოძიების, იდენტიფიცირებისა და ოჯახებისთვის დაბრუნების საკითხი. დავით ზალკალიანმა მადლობა გადაუხადა ჟილ კარბონიეს ამ პროცესში წითელი ჯვრის საერთაშორისო კომიტეტის მიერ გაწეული ძალისხმევისა და მედიაციისთვის. საგარეო საქმეთა მინისტრმა ყურადღება გაამახვილა უგზო-უკვლოდ დაკარგულ პირთა საკითხებზე მოქმედი საკოორდინაციო მექანიზმების მუშაობაზე და აღნიშნა, რომ ICRC-ის ხელშეწყობით უკვე მოხერხდა 200-ზე მეტი ადამიანის იდენტიფიცირება და ოჯახებისთვის გადაცემა. ვიცე-პრემიერმა ისაუბრა უგზო-უკვლოდ დაკარგულ პირთა მოძიებისა და გადმოსვენების უწყებათაშორისი კომისიის მუშაობაზე და ხაზი გაუსვა საქართველოს მთავრობის მზაობას აღნიშნულ ჰუმანიტარულ თემაზე ძალისხმევისა და თანამშრომლობის ახალ დონეზე აყვანის მიმართულებით.

მხარეები შეთანხმდნენ, რომ გააგრძელებენ მჭიდრო თანამშრომლობას და კონსულტაციებს პრიორიტეტულ საკითხებთან დაკავშირებით“, - აღნიშნულია ინფორმაციაში.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა