სახალხო დამცველის მოადგილე - ვსწავლობთ მიხეილ სააკაშვილის საქმეებს და თუ ვნახავთ, რომ იკვეთება მისი გათავისუფლების საფუძველი, გვექნება შესაბამისი შეხედულება

სახალხო დამცველის მოადგილე გიორგი ბურჯანაძე აცხადებს, რომ ომბუდსმენის აპარატი საქართველოს მესამე პრეზიდენტის მიხეილ სააკაშვილის საქმეებს სწავლობს და იმ შემთხვევაში თუ გამოიკვეთება მისი გათავისუფლების საფუძველი, შესაბამისი პოზიცია ექნებათ.

„თუ ადამიანის უფლებები სამართლის კუთხით, ისევე როგორც საქართველოს კანონმდებლობის პერსპექტივიდან, ვნახავთ, რომ მიხეილ სააკაშვილის გათავისუფლების საფუძველი იკვეთება, ბუნებრივია, გვექნება შესაბამისი შეხედულება და ჩვენი კომპეტენციის ფარგლებში, შესაბამის მოსაზრებას გავავრცელებთ.

ამ ეტაპზე, შესწავლილი გვაქვს მიხეილ სააკაშვილის მხოლოდ და მხოლოდ ერთი სისხლის სამართლის საქმე, სადაც ჩართული ვიყავით „სასამართლო მეგობრის“ მოსაზრებით. სხვა სისხლის სამართლის საქმეებსაც შევისწავლით, ვაკვირდებით პროცესებს. ასევე ახალ ბრალდებას დავაკვირდებით, რომელიც გუშინ იქნა წარდგენილი. თუ რამე გამოვკვეთეთ, ბუნებრივია, ამაზე ვისაუბრებთ.

შესწავლილი გვაქვს „შეწყალების საქმე“, რაზეც სააპელაციო „სასამართლოს მეგობრის“ მოსაზრებით მივმართეთ. აქ ორი პრინციპის დარღვევა დავადგინეთ - გამოვკვეთეთ, რომ ამ საქმეში დარღვეული იყო კანონიერების პრინციპი. ის მუხლი არ იყო წარდგენილი, რომელიც უნდა ყოფილიყო და არჩეული იქნა ის მუხლი, რომელიც კანონიერების პრინციპის მოთხოვნას ვერ აკმაყოფილებდა. მეორე მნიშვნელოვანი საკითხი, რაც გამოვკვეთეთ ისაა, რომ მთელი სისხლის სამართლის საქმე ეფუძნებოდა ირიბ ჩვენებებს, ანუ, პირდაპირი მტკიცებულება, რომ კონკრეტულ დანაშაულს ჰქონდა ადგილი, სისხლის სამართლის საქმის მასალებში ვერ ვნახეთ და ეს მოსაზრება წარვუდგინეთ სააპელაციო სასამართლოს“,- განაცხადა გიორგი ბურჯანაძემ.

რაც შეეხება მიხეილ სააკაშვილის ჰოსპიტალიზაციას და იმას, რომელ სამედიცინო დაწესებულებაში უნდა გადაიყვანონ ყოფილი პრეზიდენტი, ბურჯანაძის თქმით, ეს საკითხი ექიმების გადასაწყვეტია.

კითხვაზე, ვისი პასუხისმგებლობა იქნება, თუ სააკაშვილის ჯანმრთელობა გართულდება, ბურჯანაძე ამბობს, რომ „პატიმრის ჯანმრთელობის მდგომარეობაზე პასუხისმგებლობა ყოველთვის სახელმწიფოზეა“.

„ჩვენთვის ამოსავალი წერტილია ექიმებმა თქვან, სად არის ეს კონკრეტული პაციენტი გადასაყვანი. თუ ექიმები იტყვიან, რომ მე-18 პენიტენციურ დაწესებულებაში შესაძლებელი იქნება პატიმარ სააკაშვილზე შესაბამისი წესით მზრუნველობა, მის ჯანმრთელობაზე დაკვირვება და შესაბამისი სამედიცინო მანიპულაციების ჩატარება, ასევე უზრუნველყოფილი იქნება მისი, როგორც პატიმრის უსაფრთხოება, ბუნებრივია, შესაძლებელია. მაგრამ თუ ექიმები იტყვიან, რომ აუცილებელია გადაყვანა სხვა სამოქალაქო კლინიკაში, სადაც მეტი სამედიცინო შესაძლებლობები არსებობს, ეს გადაწყვეტილება უნდა იქნას მიღებული. ეს საკითხი ექიმებმა უნდა გადაწყვიტონ“,- განაცხადა გიორგი ბურჯანაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება