ირაკლი ქარსელაძე - “განახლებული რეგიონების“ ფარგლებში ბაღდათში ორი ცენტრალური ქუჩის ურბანული განახლება მიმდინარეობს

“განახლებული რეგიონების“ ფარგლებში ბაღდათში ორი ცენტრალური ქუჩის ურბანული განახლება მიმდინარეობს, - ამის შესახებ საქართველოს რეგიონული განვითარებისა და ინფრასტრუქტურის მინისტრმა ირაკლი ქარსელაძემ ბაღდათში „განახლებული რეგიონების“ ფარგლებში მიმდინარე სამუშაოების დათვალიერებისას განაცხადა.

ქარსელაძის თქმით, ქვეყნის მუნიციპალიტეტებში პრემიერ-მინისტრის მიერ ინიცირებული პროგრამის „განახლებული რეგიონები“ ფარგლებში სამუშაოები აქტიურად მიმდინარეობს.

„ბაღდათში მიმდინარე პროექტი მოიცავს ორი ცენტრალური მოედნის დამაკავშირებელი ქუჩის და მისი მიმდებარე ტერიტორიის რეაბილიტაციას. პროექტის ფარგლებში ხორცილდება როგორც შენობების ენერგოეფექტურობის კომპონენტები, ასევე სხვა კონსტრუქციული და მნიშვნელოვანი ელემენტების შეცვლის სამუშაოები. პროექტის განხორციელების შედეგად, მივიღებთ ენერგოეფექტურ, გამართულ, მოწესრიგებულ გალამაზებულ შენობებსა და გარემოს“, - განაცხადა ქარსელაძემ.

პროგრამის ფარგლებში, ბაღდათში აქტიურად მიმდინარეობს აკაკი წერეთლისა და ვაჟა-ფშაველას ქუჩების, ასევე ბაღდათის სკვერის რეაბილიტაცია-რეკონსტრუქციის სამუშაოები.

მინისტრის თქმით, პროექტის ისე არის შედგენილი, რომ შენარჩუნებულია ბაღდათისთვის დამახასიათებელი აუთენტური და ტრადიციული ელემენტები.

„მნიშვნელოვანია, რომ იგივე პროგრამის ფარგლებში, ჩატარდება ბაღდათის ისტორიული სკვერის და მიმდებარე ტეროტირიის პარკად გადაქცევის სამუშაოები, რომელიც იქნება დატვირთული, ფათობრივად, ყველა ასაკის ადამიანისთვის საინტერესო ფუნქციური ელემენტებით. ეს სკვერი ნამდვილად იქნება ბაღდათელებისთვის ოჯახთან ერთად დროის გასატარებელი საყვარელი ადგილი“, - აღნიშნა ირაკლი ქარსელაძემ.

„განახლებული რეგიონების“ 4-წლიანი პროგრამა, რომელიც საქართველოს 63 მუნიციპალიტეტს მოიცავს და მისი მხოლოდ პირველი ეტაპის საორიენტაციო ღირებულება 500 მილიონი ლარია, ითვალისწინებს რეგიონების ურბანულ განახლებას, რაც სახელმწიფოს, მუნიციპალიტეტის და კერძო საკუთრებაში არსებული მნიშვნელოვანი ობიექტის განვითარებას გულისხმობს.

რეგიონული განვითარებისა და ინფრასტრუქტურის სამინისტროს ცნობით, პროექტები მუნიციპალიტეტის წარმომადგენლების უშუალო ჩართულობით სპეციალურმა კომისიამ დაამტკიცა, ხოლო სამშენებლო კომპანიები, რომლებმაც უკვე დაიწყეს მოსამზადებელი და სამშენებლო სამუშაოები ინფრასტრუქტურის სამინისტროს მუნიციპალური განვითარების ფონდის მიერ გამოცხადებული ელექტრონული ტენდერებით შეირჩა. უწყების ცნობით, სამშენებლო სამუშაოები უკვე ყველა მუნიციპალიტეტში აქტიურ ფაზაშია. სპეციალური კომისიის შემადგენლობაში შედიოდნენ როგორც ადგილობრივი თვითმმართველობის, ისე ცენტრალური ხელისუფლების წარმომადგენლები და სივრცითი დაგეგმარების სპეციალისტები.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა