ბათუმის მერის მოვალეობის შემსრულებელმა ლელა სურმანიძემ და შპს „ბათუმის წყლის“ გენერალურმა დირექტორმა ლევან დავითაძემ, ბათუმში 26 მაისის ქუჩაზე მომხდარი ტრაგედიის დროს სამაშველო და სამძებრო სამუშაოებში მონაწილეობისათვის „ბათუმის წყლის“ თანამშრომლებს მადლობის სიგელები გადასცეს.
ბათუმის მერიის ინფორმაციით, ტრაგედიის პერიოდში „ბათუმის წყლის" ბრიგადები სამაშველო სამსახურთან ერთად სრულად იყვნენ მობილიზებულები და აქტიურად ჩართულნი პროცესში.
მათივე ცნობით, უწყების სატრანსპორტო განყოფილების ყველა თანამშრომელი სპეცტექნიკით 28 საათის განმავლობაში შეუსვენებლად მუშაობდა.