მამუკა წოწერია - 30 ოქტომბერს მოქალაქეების მიერ გაკეთებული არჩევანი იქნება ღირსეული და „ქართული ოცნება" დამაჯერებლად გაიმარჯვებს

„ქართული ოცნების" ზუგდიდის მერობის კანდიდატი მამუკა წოწერია მეორე ტურის ფარგლებში წინასაარჩევნო შეხვედრებს აქტიურად განაგრძობს. თათარაშვილის ქუჩაზე, მამუკა წოწერიასთან ერთად ინდივიდუალურ შეხვედრებში, მონაწილეობა საპარლამენტო უმრავლესობის წევრმა სოზარ სუბარმა, მომღერლებმა ელენე ფოჩხუამ და სოფო ბედიამ მიიღეს.

„შეხვედრებზე იგრძნობა საოცარი კეთილგანწყობა ჩვენი მოსახლეობის, როგორც „ქართული ოცნების" კანდიდატების მიმართ, ასევე თანმხლები პირების, ამ შემთხვევაში ბატონი სოზარ სუბარის, ელენე ფოჩხუასა და სოფო ბედიას მიმართ. აქედან გამომდინარე მოსახლეობაც აფიქსირებს, რომ პირველ ტურში გარკვეულად იპასიურა, მაგრამ ახლა უკვე მზად არიან, მობილიზებულები არიან და 30 ოქტომბერს აუცილებლად მიიღებენ მონაწილეობას ადგილობრივ თვითმმართველობის არჩევნების მეორე ტურში, ჩვენ დარწმუნებული ვართ, რომ მოქალაქეების მიერ გაკეთებული არჩევანი იქნება ღირსეული და „ქართული ოცნება" დამაჯერებლად გაიმარჯვებს!" - განაცხადა მამუკა წოწერიამ.

სოზარ სუბარმა ყურადღება გაამახვილა, კანდიდატის კვალიფიკაციაზე და დარწმუნებულია, რომ ზუგდიდი გააკეთებს სწორ არჩევანს.

„ზუგდიდს ჰყავს ძალიან ღირსეული კანდიდატი მამუკა წოწერიას სახით. მართლა, რომ შეეფერება ამ ძალიან დიდი ტრადიციების ქალაქს, ზუგდიდი არ არის მხოლოდ დიდი ტრადიციის ქალაქი, ეს არის საჩვენებელი კარიბჭე, სადაც უნდა ჩანდეს, როგორია საქართველო და როგორი საქართველო უნდა იყოს ხვალ, რომ ეს დაინახონ ენგურსგადაღმა ჩვენმა თანამოქალაქეებმა და ამიტომ ძალიან მნიშვნელოვანია სწორედ აქ გაიმარჯვოს მშვიდობამ, განვითარებამ და არა იმ ძალადობამ, რომლის სიმბოლოდაც არის ქცეული „ნაციონალური მოძრაობა" და მისი თითოეული წარმომადგენელი. დარწმუნებული ვარ მამუკა წოწერიას გამარჯვებაში მეორე ტურში და დარწმუნებული ვარ იმაში, რომ ზუგდიდი გააკეთებს ძალიან ღირსეულ არჩევანს!" - განაცხადა სოზარ სუბარმა.

ამის შესახებ ინფორმაციას „ქართული ოცნების“ პრესსამსახური ავრცელებს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში