რელიგიის საკითხთა სახელმწიფო სააგენტო შიიტურ სამყაროს და საქართველოში მცხოვრებ შიიტ მუსლიმებს მუჰამადის და ჯაფარ ას-სადიკის დაბადების დღეს ულოცავს.

როგორც რელიგიის საკითხთა სახელმწიფო სააგენტოდან „ინტერპრესნიუსს“ აცნობეს, დღეს, 23 ოქტომბერს შიიტი მუსლიმები ერთდროულად აღნიშნავენ ორ დღესასწაულს, წინასწარმეტყველ მუჰამადის დაბადების დღეს, რომელიც ტრადიციის მიხედვით დაიბადა ქალაქ მექაში 571 წელს და მეექვსე იმამის, ჯაფარ ას-სადიკის დაბადების დღეს, რომლის სახელთანაა დაკავშირებული ჯაფარიანთა საღვთისმეტყველო-სამართლებრივი სკოლის დაფუძნება.

რელიგიის საკითხთა სახელმწიფო სააგენტო ულოცავს შიიტურ სამყაროს და საქართველოში მცხოვრებ შიიტ მუსლიმებს ამ ღირსშესანიშნავ დღესასწაულებს და უსურვებს მათ სიკეთეს, მშვიდობას და წარმატებას.