ბათუმში, მემედ აბაშიძის ქუჩაზე საქართველოს მესამე პრეზიდენტის მხარდამჭერთა შტაბის წინ მიხეილ სააკაშვილის ბანერი დააზიანეს. როგორც "ერთიანი ნაციონალური მოძრაობის" წევრი ლაშა ადამია აცხადებს, ხელისუფლების აქტივისტები სააკაშვილის ბანერებს მიზანმიმართულად აზიანებენ, რასაც შესაბამისი უწყება არ იძიებს.

"მიშას ბანერი მეორეჯერ ჩამოხიეს და წაიღეს, ფაქტია, ხელისუფლების წარმომადგენლები ებრძვიან სააკაშვილის სურათს და ჩვეულებრივ წარწერასაც კი ქუჩაზე, წარწერებს ელვის სისწრაფით აშორებენ. შესაბამისი უწყებები ფაქტს არ იძიებენ“, - აცხადებს ლაშა ადამია.