"ერთიანი ნაციონალური მოძრაობა" ქალაქში დესტაბილიზაციას გეგმავს, ამასთან საჯარო მოხელეების მოსყიდვა და შანტაჟი მიმდინარეობს,- ამის შესახებ "ქართული ოცნების" წევრმა ტიტე აროშიძემ ბრიფინგზე განაცხადა.

მისი თქმით, "ერთიანი ნაციონალური მოძრაობა" კრიმინალურ დაჯგუფებად იქცა.

"ერთიანი ნაციონალური მოძრაობა" გარკვეულ პროვოკაციებს ქალაქში გეგმავს, მინდა მოვუწოდო თანაქალაქელებსა და "ერთიანი ნაციონალური მოძრაობის" წევრებს, რომელიც კრიმინალურ დაჯგუფებად ჩამოყალიბდა, შეინარჩუნანონ სიმშვიდე. ეს არის ქალაქი, რომელსაც არ უყვარს დესტაბილიზაცია და არეულობა. ჩვენ გვაქვს ინფორმაცია, რომ "ერთიანი ნაციონალური მოძრაობა" გეგმავს გარკვეულ დესტაბილიზაციის შემოტანას ქალაქში, ამასთანავე, აქციაზე დაანონსებენ თითქოსდა მუნიციპალიტეტის თანამშრომლები უერთდებიან მათ აქციას - დაჯგუფებას. შესაძლოა, ეს ესე იყოს დაბულინგება და სხვა საქციელით აიძულებენ ადამიანებს შეუერთდნან ამ აქციას. ჩვენ ვართ, პოლიტიკური ძალა, რომელიც პასუხისმგებელია ქალაქში არსებულ სიტუაციაზე, ყველაფერს გავაკეთებთ, რომ ქალაქში შენარჩუნდეს სიმშვიდე. ის ინფორმაციები, თითქოს საჯარო სამსახურებიდან აპირებენ გადასვლას, რამდენიმე საჯარო მოხელე, დიდი მოსყიდვით შესაძლოა, შეუერთდეს აქციას, მაგრამ ეს ხალხის განწყობას არ ასახავს",- აცხადებს ტიტე აროშიძე.