ბათუმის ბულვარში "ერთიანი ნაციონალური მოძრაობის" მხარდამჭერები და ლიდერები იკრიბებიან. მათი განცხადებით, ისინი საარჩევნო კამპანიის შემაჯამებელ აქციას გამართავენ, ამასთან, საქართველოს მესამე პრეზიდენტის მიხეილ სააკაშვილის გათავისუფლებას მოითხოვენ.
„ბათუმისა და ხელვაჩაურის სარჩევნო კამპანიის ერთგვარი შემაჯამებელი აქციაა, ამ ორ მუნიციპალიტეტში გვაქვს არჩევნების მეორე ტური. აქციის მთავარი დევიზია, "თავისუფლებებისა და ცვლილებებისთვის". თავისუფლება საქართველოს ყველა პოლიტიკურ პატიმარს და პირველ რიგში, საქართველოს მესამე პრეზიდენტს, მან დაუყოვნებლივ უნდა დატოვოს ციხე, ივანიშვილის პირად პატიმრობაში არ შეიძლება გვყავდეს ადამიანი, რომელმაც ამ ქვეყნის სახელმწიფოებრიობისათვის ყველაზე მეტი რამ გააკეთა. პირველ ტურში ბათუმელებმა ცვლილებებს და მრავალპარტიულობას დაუჭირეს მხარი ბათუმის საკრებულოში, ეს გამარჯვება ბოლომდე მისაყვანია",- აცხადებს გიორგი კირთაძე.