ბათუმში, საცხოვრებელი კორპუსის ჩამონგრევისას დაშავებული მამაკაცი კლინიკიდან გაწერეს
ბათუმში, 26 მაისის ქუჩაზე კორპუსის ნაწილის ჩამოგნრევისას დაშავებული ზვიად თავდგირიძე კლინიკა "მედცენტრიდან" გაწერეს.
როგორც კლინიკაში განაცხადეს, მისი ჯანმრთელობის მდგომარეობა დამაკმაყოფილებელია.
"37 წლის პაციენტი, რომელიც ნანგრევებიდან ცოცხალი ამოიყვანეს, სასწრაფო სამედიცინო დახმარების ბრიგადამ "მედცენტრში" შემოიყვანა. პაციენტი მძიმე მდგომარეობაში იყო, რამდენიმე დღე ის რეანიმაციულ განყოფილებაში მკურნალობდა, შემდეგ კი პალატაში გადაიყვანეს. გუშინ კი, პაციენტი კლინიკიდან გაეწერა, მისი ჯანმრთელობის მდგომარეობა დამაკმაყოფილებელია და აღარ საჭიროებდა სამედიცინო დაწესებულებაში მკურნალობის გაგრძელებას", - აცხადებენ კლინიკაში.
ბათუმში, საცხოვრებელი კორპუსის ერთი სადარბაზო 8 ოქტომბერს ჩამოინგრა, შედეგად ცხრა ადამიანი დაიღუპა.
