ბოლო 24 საათში საქართველოში კორონავირუსის საწინააღმდეგო ვაქცინით 4 209 ადამიანი აიცრა - სრულად ვაქცინირებულია მოზრდილი მოსახლეობის 32.4%

24 ოქტომბრის მონაცემებით, საქართველოში სულ ჩატარებულია 1 948 787 აცრა.

ამის შესახებ ინფორმაციას საქართველოს დაავადებათა კონტროლის ცენტრი ავრცელებს.

მათივე ცნობით, სულ მცირე 1 დოზით ვაქცინირებულია 1 024 099 ადამიანი - მოზრდილი მოსახლეობის 36.0 %. სრულად ვაქცინირებულია 923 970 ადამიანი - მოზრდილი მოსახლეობის 32.4%.

23 ოქტომბერს აიცრა 4 209 ადამიანი.