დიმიტრი ხუნდაძის განცხადებით, შესაძლოა, პრეპარატი „ნარკანი" სააფთიაქო ქსელში რეცეპტის გარეშე გაიცეს
პრეპარატი „ნარკანი", შესაძლოა, სააფთიაქო ქსელში რეცეპტის გარეშე გაიყიდოს. საკითხზე დღეს პარლამენტში, ჯანმრთელობის დაცვისა და სოციალურ საკითხთა კომიტეტის ანტინარკოტიკული პოლიტიკის სამეცნიერო - საკონსულტაციო საბჭოს სხდომაზე იმსჯელებენ.
როგორც დიმიტრი ხუნდაძემ განაცხადა, ისინი სპეციალისტებთან შეთანხმებულ რეკომენდაციას გასცემენ.
"არის შემთხვევები, როცა ნარკოტიკების ზედოზირებით მოხმარების შემთხვევაში დგება ლეტალური შედეგი. ასეთ შემთხვევაში, მნიშვნელოვანია პრეპარატ "ნარკანის" მოხმარება და დროს აქვს გადამწყვეტი მნიშვნელობა, რომ ის იყოს ხელმისაწვდომი. დღეს ის სააფთიაქო ქსელში გაიცემა მხოლოდ რეცეპტის საშუალებით და ეს რა თქმა უნდა, მისი მოპოვების დროს ზრდის და ამცირებს ხელმისაწვდომობას. ამიტომ ჯანდაცვის კომიტეტი დარგობრივ ექსპერტებთან ვიმსჯელებთ და გავცემთ შეთანხმებულ რეკომენდაციას, რომ ეს პრეპარატი გადმოვიდეს მესამე ჯგუფში, აფთიაქებში იყოს ხელმისაწვდომი და გაიცემოდეს რეცეპტის გარეშე", - განაცხადა დიმიტრი ხუნდაძემ.
v-if="article.gallery" v-html="article.gallery"
