იოსებ ხახალეიშვილი - ჩვენ გვყავს 13 000 სტუდენტი და ვალდებული ვართ, ამ ახალგაზრდებისთვის განსაკუთრებული ინფრასტრუქტურა შევქნათ

"ქართული ოცნების" ქუთაისის მერობის კანდიდატი იოსებ ხახალეიშვილი მოსახლეობასთან შეხვედრებს აგრძელებს.

მორიგი შეხვედრა მერობის კანდიდატმა დღეს „ახალგაზრდობის“ პირველ შესახვევში გამართა და ადგილობრივებთან საუბრისას ვაქცინაციის აუცილებლობაზე ისაუბა.

"ვაქცინაციას ალტერნატივა არ აქვს. დროს უნდა ვაჯობოთ, რადგან ვაქცინაცია ნიშნავს ფატალური შემთხვევების შემცირებას, საკუთარი თავის და სხვების მოფრთხილებას, ასევე ჩვენთვის მოცემულ მეტ შესაძლებლობას, რაც შეიძლება მალე დავუბრუნდეთ ცხოვრების ნორმალურ რიტმს, ერთმანეთთან ცოცხალ კომუნიკაციას და ახალი პროექტების რეალურ განხორციელებას უფრო ეფექტურად, სიცოცხლისთვის უსაფრთხო გარემოში", - განაცხადა იოსებ ხახალეიშვილმა.

ამასთან, მერობის კანდიდატმა ქუთაისის შესაძლებლობებს გაუსვა ხაზი და ქალაქის როგორც განათლების ცენტრის მნიშვნელობა აღნიშნა.

"საქართველოს ეროვნული იდეა არის განათლება და განათლების ცენტრი - ქუთაისის ხვალინდელი დღეა. სამი უნივერსიტეტის ბაზაზე ჩვენ გვყავს 13 ათასი სტუდენტი და ვალდებული ვართ, ამ ახალგაზრდებისთვის განსაკუთრებული ინფრასტრუქტურა შევქნათ, სადაც შესაძლებელი იქნება გართობის და შემოქმედებითი რესურსების, კლუბური ცხოვრების ხელმისაწვდომობა, რაც მიმზიდველს გახდის ჩვენს ქალაქს სხვა, არა ქუთაისელი ახალგაზრდებისთვისაც", - განაცხადა იოსებ ხახალეიშვილმა.

მისივე თქმით, 13 000 სტუდენტი ქუთაისის 13 000 პერსპექტივაა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა