ბათუმში სახელმწიფო უსაფრთხოების სამსახურის შენობასთან სამოქალაქო აქტივისტებმა აქცია - პერფორმანსი გამართეს.
აქტივისტები საქართველოს მესამე პრეზიდენტის მიხეილ სააკაშვილის გათავისუფლებას ითხოვდნენ.
აქციის მონაწილეები აცხადებდნენ, რომ მიხეილ სააკაშვილი სამშობლოს სიყვარულისთვის ისჯება. მათ სუს-ის შენობასთან მიხეილ სააკაშვილის ფოტოები მიიტანეს.
„ მიშა უნდა იყოს თავისუფალი, ჩვენც გვიყვარს სამშობლო და რისთვისაც ისჯება მიშა იგივე დანაშაულში ჩვენც ვართ დამნაშავეები.გვინდა ქვეყნის განვითარება, რისთვის სჯიან ქვეყნის მესამე პრეზიდენტს? ქვეყანა ოლიგარქის კლანჭებისგან უნდა გათავისუფლდეს", - განაცხადა აქციის მონაწილე ლაშა ადამიამ.