მმართველი პარტიის მხარდამჭერები ფოთიდან თბილისისკენ უკვე გამოემგზავრნენ. მათივე ინფორმაციით, აქციას ფოთიდან 1000-მდე ადამიანი შეუერთდება.
„მივემგზავრებით „ქართული ოცნების“ მხარდამჭერ აქციაზე. გვინდა კიდევ ერთხელ ხმამაღლა დავაფიქსიროთ - „არა ძალადობას“, „არა დესტაბილიზაციას“. მივდივართ თქვენი, ჩვენი ოჯახების წინსვლა - განვითარებისთვის, მშვიდობისთვის, მომავალი თაობის კეთილდღეობისთვის“, - განაცხადა „ქართული ოცნების“ მხარდამჭერმა ეკატერინე ლეჟავამ.
თბილისში, „ქართული ოცნების“ შემაჯამებელი აქცია 17:00 საათზეა დაგეგმილი.