„ლელოს“ ლიდერის, მამუკა ხაზარაძის განცხადებით, მიხეილ სააკაშვილს, როგორც ნებისმიერ ადამიანს, ვისი სიცოცხლეც სახელმწიფოს ხელშია, უნდა ჰქონდეს საშუალება, „ისეთი სამედიცინო დახმარება მიიღოს, როგორიც გასულ წელს 600-მდე პატიმარმა მიიღო“.

ამის შესახებ მამუკა ხაზარაძემ მიხეილ სააკაშვილის ჯანმრთელობის მდგომარეობისა და მისი ჰოსპიტალიზაციის საკითხთან დაკავშირებით ჟურნალისტებს განუცხადა.

„არა მარტო მიხეილ სააკაშვილს, არამედ ნებისმიერ ადამიანს, რომლის სიცოცხლეც და ჯანმრთელობაც სახელმწიფოს ხელშია, უნდა ჰქონდეს საშუალება, მიიღოს სამედიცინო დახმარება ისეთი, როგორიც შარშან მიიღო 600-მდე პატიმარმა, რომელმაც ჯანმრთელობის მდგომარეობა სამედიცინო დაწესებულებებში გაიუმჯობესა“,- განაცხადა ხაზარაძემ.

ცნობისთვის, საქართველოს ყოფილი პრეზიდენტი,მიხეილ სააკაშვილი რუსთავის ციხეში 30-ე დღეა შიმშილობს.