ზუგდიდის მე-10 უბანთან ხმაურია. ადგილზე მობილიზებულია პოლიცია. დამკვირვებელი მედეა ჯალაღონია ამბობს, რომ მას სიტყვიერი შეურაცხყოფა მიაყენეს და უბნიდან გამოაძევეს.

მისი თქმით, უბანში დარღვევები დააფიქსირა, კერძოდ, კომისიის წევრები ბიულეტენზე ბეჭედს არ სვამენ.

ჯალაღონია ამბობს, რომ იგი კლინიკა „გულის“ ზუგდიდის ფილიალის ხელმძღვანელია და იცავს „ერთიანი ნაციონალური მოძრაობის“ ზუგდიდის მერობის კანდიდატის, ანზორ მელიას ხმებს. უბნის შიგნით მედიის წარმომადგენლების ნაწილი სამართალდამცავებმა არ დაუშვა.

გარდა ამისა, ენმ-ს პრესსამსახურის წარმომადგენლის, ნენე დალაქიშვილის ინფორმაციით, უბნის სიახლოვეს კანონის დარღვევით მობილიზებული არიან ე.წ ძველი ბიჭები, რაზეც პოლიციას რეაგირება არა აქვს.