მუნიციპალიტეტის ორგანოთა 2021 წლის 30 ოქტომბრის არჩევნების - II ტურზე ცესკოს წინასწარი მონაცემებით, რუსთავში ხმების 100 პროცენტის დათვლის შედეგად, მმართველი პარტიის კანდიდატი იმარჯვებს.
რუსთავში არსებული 88-ვე უბნის მონაცემების მიხედვით „ქართული ოცნების“ მერობის კანდიდატმა ნინო ლაცაბიძემ ამომრჩეველთა ხმების 53,717 % მიიღო, ხოლო „ნაციონალური მოძრაობის“ მერობის კანდიდატმა, დავით კირკიტაძემ 46,283%-ის მხარდაჭერა მოიპოვა.
როგორც ცნობილია, მუნიციპალიტეტების მერების ასარჩევად - 50%-იანი საარჩევნო ბარიერი იყო დადგენილი. სწორედ ამან 2 ოქტომბრის არჩევნების შედეგების გათვალისწინებით, რიგ ქალაქებსა და საარჩევნო ოლქებში მეორე ტურების ჩატარების აუცილებლობა შექმნა. მეორე ტურში მონაწილეობას იღებს პირველ ტურში საუკეთესო შედეგების მქონე ორი კანდიდატი და არჩეულად ის კანდიდატი ითვლება, რომელიც კონკურენტზე მეტ ხმას მოიპოვებს.