სოფელ ყარაჯალაში ადგილობრივებს შორის მომხდარი დაპირისპირებისას სამ ადამიანს ფიზიკურად გაუსწორდნენ

თელავის მუნიციპალიტეტის სოფელ ყარაჯალაში გვიან ღამით ადგილობრივებს შორის მომხდარი დაპირისპირების დროს სამ ადამიანს ფიზიკურად გაუსწორდნენ.

თვითმხილველების ინფორმაციით, არაფხიზელ მდგომარეობაში მყოფი ახალგაზრდების ორ მხარეს შორის ყოფით ნიადაგზე დაწყებული სიტყვიერი დაპირისპირება ფიზიკურში გადაიზარდა, რის შემდეგაც სამმა მათგანმა სხეულის სხვადასხვა ნაწილის დაზიანება მიიღო.

ადგილზე პოლიცია გამოიძახეს.ინციდენტში მონაწილე პირებმა კი სამართალდამცველებისთვის წინააღმდეგობის გაწევა სცადეს, რამაც მათ შორის დაძაბულობა გამოიწვია. ვითარება პოლიციის დამატებითმა ჯგუფმა განმუხტა.

დაზარალებულები თელავის რეფერალურ საავადმყოფოში მკურნალობენ. 2 მათგანს გარეგანი დაზიანებები, ერთს კი გულ- მკერდის დახურული ტრავმა აღენიშნება.

დაპირისპირებაში მონაწილე პირების ახლობლები და თანასოფლელები მთელი ღამის განმავლობაში თელავის პოლიციის სამმართველოსთან იყვნენ შეკრებილი.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“