ადვოკატი - ახლა ხმები გაავრცელეს სააკაშვილის გორში გადაყვანაზე, სადაც ალბათ, ხელისუფლების სურვილი და გეგმაა, რომ ის რუსულ სპეცსამსახურებს გადააბარონ

ახლა ხმები გაავრცელეს მიხეილ სააკაშვილის გორში გადაყვანაზე, სადაც ალბათ, ხელისუფლების სურვილი და გეგმაა, რომ ის რუსულ სპეცსამსახურებს გადააბარონ,- ამის შესახებ მიხეილ სააკაშვილის ადვოკატმა ბექა ბასილაიამ ჟურნალისტებს რუსთავის ციხესთან განუცხადა.

ადვოკატის თქმით, მათი მოთხოვნაა, რომ სააკაშვილი სამოქალაქო კლინიკაში გადაიყვანონ.

“იმის ნაცვლად, რომ მთავრობა დაექვემდებაროს კონსილიუმის მიერ გაკეთებულ რეკომენდაციას, გაითვალისწინოს სახალხო დამცველის დასკვნა ხან საუბრობენ გლდანის მე-18 დაწესებულებაში ორგანიზებულ კრიმინალებთან სააკაშვილის ვერტმფრენით გადაყვანაზე და ახლა ხმები გაავრცელეს გორში გადაყვანაზე, სადაც ალბათ, ხელისუფლების სურვილი და გეგმაა, რომ რუსულ სპეცსამსახურებს გადააბარონ მიხეილ სააკაშვილი. შესაძლოა იქ გააკეთონ თავდასხმის ინსცენირება,რომ თითქოს თავდასხმა მოხდა. ანუ ამაზე უფრო მკაფიო მაჩვენებელი იმისა, რომ ხელისუფლება სააკაშვილის სიცოცხლეზე და უსაფრთხოებაზე არ ზრუნავს, რა უნდა იყოს? რა შუაშია გორის ჰოსპიტალი.

მიხეილ სააკაშვილი და მისი საადვოკატო გუნდი ვითხოვთ, რომ სააკაშვილი გადაიყვანონ სამოქალაქო კლინიკაში. ამის საჭიროება დგას, შიმშილობა უკვე კრიტიკულ ზღვარს მიუახლოვდა და მისი გადაყვანა კრიტიკულად მნიშვნელოვანია. შიმშილობის ერთი თვე უკვე ამოიწურა და ორგანიზმის რესურსი, რომ უპასუხოს სტრესსა და სირთულეებს, რასაც შიმშილობა იწვევს, იწურება”,- აცხადებს ბასილაია.

მისი თქმით, მოშიმშილე, საკანში მჯდომმა მიხეილ სააკაშვილმა ისე, რომ არ ჰქონდა ტელეფონის საშუალება მიეწვდინა ხალხისთვის ხმა,არ ატარებენენ სასამართლო პროცესებზე, არჩევნები მოუგო ბიძინა ივანიშვილს.

“დღეს, ყველა ქართველის, ქართული საზოგადოების ვალია, რომ ეს გამარჯვება გავაფორმოთ და ამ გამარჯვების გასაფორმებლად ძალიან მნიშვნელოვანია მიხეილ სააკაშვილი იყოს თავისუფალებაში. წარმოიდგინეთ ვითარება, როდესაც მძევლობაში აყვანილი მიხეილ სააკაშვილი უგებს არჩევნებს ბიძინა ივანიშვილს, თავისუფლებაში მყოფი მიხეილ სააკშვილი არის საქართველოში ოლიგარქიული მმართველობის დასრულების გარანტი.ამიტომ ყველაფერი უნდა გავაკეთოთ მის გასათავისუფლებლად.სააკაშვილი არ ესწრაფვის არანაირ თანამდებობას. ის საქართველოში ჩამოვიდა ქართველი ხალხის დასახმარებლად და ამ დახმარების დიდი შედეგი უკვე ვნახეთ, ეს პროცესი უნდა გაგრძელდეს,ამ პროცესმა უნდა მოიღოს ლეგიტიმური საპროტესტო აქციების პერმანენტული სახე”. აცხადებს ბასიალაია.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა