ბათუმის 79-ე საოლქო საარჩევნო კომისიამ ლოტოტრონის პრინციპით 7 უბანი გადათვალა. აღნიშნული პროცედურის დროს ოპოზიციას, დამკვირვებლებსა და საოლქოს წევრებს შორის სიტყვიერი დაპირისპირება მოხდა.
კომისიის თავმჯდომარემ ერთი პირი დარბაზიდან წესრიგის დარღვევის გამო გააძევა.
ადგილზე სამართალდამცავები იყვნენ მობილიზებული. ამასთან დაპირისპირება ერთ-ერთი მედიასაშუალების წარმომადგენელსა და დამკვირვებელს შორისაც მოხდა.