ჩვენც გვსურს კარგად იყოს სააკაშვილი და შეჭამოს საჭმელი, - ამის შესახებ ჟურნალისტებთან საპარლამენტო უმრავლესობის წევრმა გურამ მაჭარაშვილმა განაცხადა. როგორც მან აღნიშნა, თუ სააკაშვილი საკვებს მიიღებს, ამით პრობლემა დასრულდება.
"პატიმრის უფლებები იქნება დაცული, მაგრამ რაც შეეხება პატიმრის გადაწყვეტილებას შიმშილობასთან დაკავშირებით, ეს არის მისი გადაწყვეტილება. გააგრძელოს კვება და ამით ეს პრობლემაც დამთავრდება", - განაცხადა მაჭარაშვილმა.
კითხვაზე, როცა საზოგადოების დაკვეთაზე საუბრობენ, რას ეტყვის საზოგადოების იმ ნაწილს, რომელსაც სურს, რომ სააკაშვილი იყოს კარგად, მაჭარაშვილი პასუხობს: "ჩვენც გვსურს და შეჭამოს საჭმელი".