„არჩევნები გაუქმებულია“, „ვითხოვთ საქართველოს მესამე პრეზიდენტის მიხელ სააკაშვილის გათავისუფლებას", - ამ ლოზუნგებით აჭარის მთავრობის სახლთან სხვადასხვა ოპოზიციური პარტიის ლიდერები და მათი მხარდამჭერები იკრიბებიან.

აქციის მონაწილეების თქმით, ხელისუფლებამ ხალხს არჩევნები მოპარა.

„არ ვაპირებთ დანებებას, ხელისუფლებამ ყველაფერი გააკეთა, რომ ეს არჩევნები გაეყალბებინა, დაშინებით, ჟანტაჟითა და მუქარის გზით. აქციები ინტენსიურად გაიმართება“, - აცხადებენ შეკრებილები.