ბორჯომში, რელიგიის საკითხთა სახელმწიფო სააგენტოსა და UNICEF-ის ორგანიზებული სემინარი მიმდინარეობს

ბორჯომში, მეორე დღეა რელიგიის საკითხთა სახელმწიფო სააგენტოსა და გაეროს ბავშვთა ფონდის (UNICEF) ორგანიზებული სემინარი - „სასულიერო პირების როლი ბავშვის უფლებების დაცვის საქმეში“, მიმდინარეობს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

მათივე ინფორმაციით, სემინარი ბავშვთა უფლებების დაცვის საკითხებში რელიგიურ ლიდერთა ცნობიერების ამაღლების მიზნით იმართება და მას საქართველოში არსებული რელიგიური ორგანიზაციების წარმომადგენლები ესწრებიან.

,,შეხვედრის მთავარი თემებია: ბავშვთა მიმართ ძალადობა, მათ შორის ინტერნეტ სივრცეში ძალადობა- ძალადობის პრევენცია და მასზე რეაგირება; პოზიტიური მშობლობა (გაეროს ბავშვთა ფონდის ბავშვთა დაცვის სპეციალისტი, ნონა ციხელაშვილი), საქართველოს ბავშვის უფლებათა კოდექსი - ბავშვთა დაცვის მექანიზმები ; კანონსაწინააღმდეგო ქცევის პრევენცია მოზარდებში (გაეროს ბავშვთა ფონდის წარმომადგენელი საქართველოში, დოქტორი ღასან ხალილი, გაეროს ბავშვთა ფონდის მართლმსაჯულების პროგრამის ხელმძღვანელი, თეონა კუჭავა), რელიგიისა და რწმენის თავისუფლება და ბავშვის საუკეთესო ინტერესები (რელიგიის საკითხთა სახელმწიფო სააგენტოს სამართლებრივი უზრუნველყოფის სამსახურის უფროსი სპეციალისტი, დავით დავითაშვილი), ბავშვების და ახალგაზრდების დაცვა Covid 19 პანდემიის პირობებში (პედიატრი, იაშვილის სახელობის ბავშვთა საავადმყოფოს კლინიკური დირექტორი, ივანე ჩხაიძე).

რელიგიის საკითხთა სახელმწიფო სააგენტოსა და გაეროს ბავშვთა ფონდის (UNICEF)-ის სემინარმა მუშაობა დღეს დაასრულა“, - ნათქვამია ინფორმაციაში.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს