რუსთავის N12 პენიტენციურ დაწესებულებასთან მიხეილ სააკაშვილის მხარდამჭერები აქციას მართავენ.
მომიტინგეთა მოთხოვნა საქართველოს მესამე პრეზიდენტის, მიხეილ სააკაშვილის გათავისუფლებაა.
"რუსთავის ციხესთან შევიკრიბეთ მხოლოდ და მხოლოდ ერთი მოთხოვნით, ეს არის თავისუფლება მიხეილ სააკაშვილს. 33-ე დღეა ეს ადამიანი შიმშილობს.
საქართველოს მესამე პრეზიდენტი ჩამოვიდა ქვეყანაში იმისთვის, რომ დაეხმაროს ქვეყანას და ივანიშვილმა გამოკეტა ციხეში. მე დარწმუნებული ვარ, რომ ეს დიდხანს არ გაგრძელდება", - განაცხადა ზაალ უდუმაშვილმა.
ადგილზე მობილიზებული არიან სამართალდამცავები.