ფოთში, სამხრეთ მოლის ტერიტორიაზე მეთევზეები შეიკრიბნენ. მათი თქმით, ქაფშიის რეწვის სეზონი იწყება და მათ მისი რეალიზაციის პრობლემა ექმნებათ.

შეკრებილების განცხადებით, არ არსებობს ადგილი, სადაც სატუმბი დანადგარები უნდა დამონტაჟდეს, რადგან პორტის ტერიტორია გასხვისებულია. მეთევზეების განცხადებით, სატუმბის არარსებობის გამო მეთევზეები მოპოვებული თევზის შესაბამის ქარხნებამდე ტრანსპორტირებას ვერ ახერხებენ. ისინი დახმარებას და აღნიშნული საკითხის გადაჭრას ხელისუფლებას სთხოვენ.

„აქ შეკრებილი ვართ მეთევზეები, რომლებიც ვეწევით თევზის რეწვას და არა გადამუშავებას. გადამუშავება ცალკე პროცესია, რომელიც ქარხნებს ეკუთვნის და ჩვენ მეთევზეები ვითხოვთ, ის, რაც ჩვენ გვეხება, თევზის ჭერა და რეწვა, ის გაგვაკეთებინეთ. პლუს ამას, სუნი როდესაც არის, ჩვენც გვაწუხებს, ოჯახები ჩვენც გვყავს, მაგრამ ეს პრობლემა ქარხნის მოსაგვარებელია. ჩვენ ვიჭერთ და ვაწვდით ქარხნებს“ - განაცხადა მეთევზე ვახტანგ ბაბილუამ.