სროლა იყო თელავში. აღამაშენებლის ქუჩაზე, ერთ-ერთი პირის, ფაზილ ბაირამოვის კუთვნილი ავტონაწილების მაღაზიის მიმართულებით რამდენჯერმე გაისროლეს. შემთხვევის შედეგად არავინ დაშავებულა. ადგილზე მივიდა სოფელ ყარაჯალის დეპუტატი. ზურაბ მუსაევის თქმით, მაღაზიის მისამართით ბიზნესმენმა სანდრო მეგუთნიშვილმა ისროლა, მიზეზი კი სავარაუდოდ, სიტყვიერი შელაპარაკება გახდა.
მუსაევის თქმით, მეგუთნიშვილი პოლიციამ უკვე დააკავა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 236-ე მუხლით დაიწყო, რაც იარაღის უკანონო შეძენა-შენახვა-ტარებას გულისხმობს.