ზოგიერთისთვის ეს თემა საღლიცინო გახდა, მაგრამ მე მოვუწოდებ ხელისუფლებას, რომ გამოიყვანონ ეს ადამიანი ციხიდან ან სასამართლოში მიიყვანონ, ან სადმე გამოაჩინონ ეკრანთან, რომ საზოგადოებამ თავად ნახოს, რა მდგომარეობაშია პრეზიდენტი, - ამის შესახებ "ნაციონალური მოძრაობის" წევრმა, დეპუტატმა თემურ ჯანაშიამ ციხიდან გამოსვლის შემდეგ მიხეილ სააკაშვილის შიმშილობის საკითხზე საუბრისას განაცხადა.
მისი თქმით, სააკაშვილი ყველას ბრძოლის გაგრძელებისკენ მოუწოდებს.
"წონაში დაიკლო, წნევის თამაშიც აქვს, პულსიც არეული აქვს ცოტა. ზოგიერთისთვის ეს თემა საღლიცინო გახდა, მაგრამ მე მოვუწოდებ ხელისუფლებას, რომ გამოიყვანონ ეს ადამიანი ციხიდან ან სასამართლოში მიიყვანონ, ან სადმე გამოაჩინონ, რომ საზოგადოებამ თავად ნახოს რა მდგომარეობაშია პრეზიდენტი. მოგვიწოდებს ბრძოლის გაგრძელებისკენ. რა თქმა უნდა, ბრძოლას გავაგრძელებთ და მივიყვანთ ბოლომდე, ეს კაციც დატოვებს ციხის კარებს და არჩევნებიც ჩატარებული იქნება ჩვენი მოთხოვნის შესაბამისად", - განაცხადა თემურ ჯანაშიამ.